Sumqayıt şəhəri 39 nömrəli məktəbin həyətində sahibsiz itlərin görünməsi valideynlər və şagirdlər arasında narahatlığa səbəb olub.
Valideynlərin Xeberle.com-a bildirdiyinə görə, heyvanlara qarşı mərhəmətli münasibət vacib olsa da, məktəb ərazisində sahibsiz itlərin dolaşması yolverilməzdir. Bildirilib ki, hər kəs heyvanlardan qorxmaya və ya onlara qarşı sağlam münasibət göstərə bilər, lakin bu, bütün uşaqlar üçün keçərli deyil. Məktəbdə təhsil alan azyaşlılar arasında itlərdən qorxan və çəkinənlər də var.
Qeyd olunur ki, sahibsiz itlərin xüsusilə qrup halında və ac vəziyyətdə olması təhlükə riskini daha da artırır.
Valideynlər məsələ ilə bağlı əlaqədar qurumların tədbir görməsini xahiş edirlər.
Xəbərdən istifadə edərkən istinad etmək vacibdir.
