Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 0,20 dollar və ya 0,29% artaraq 68,89 dollar təşkil edib.

ICE London qitələrarası birjasında "Brent” markalı neftin qiymətinin də azalması müşahidə edilib. Belə ki, "Brent” markalı neftin qiymət 0,01 dollar azalaraq 74,28 dollar təşkil edib.

"Brent” markalı neftin ucuzlaşması yerli iqtisadiyyata da təsirsiz ötüşməyəcək.
 
İqtisadçı-ekspert Natiq Cəfərli belə deyib. O bildirib ki, hazırda müşahidə edilən qiymət dəyişikliyini o qədər də ciddi amil kimi qəbul etmək olmaz:
 
"Son zamanlar neft bazarında ciddi oynama müşahidə edilir. Tez-tez qiymətlərin dəyişdiyini, enib qalxdığının şahidi oluruq. ABŞ tərəfindən tətbiq edilən sanksiyalar, ticarət müharibələri dünya iqtisadiyyatında daralma qorxusu yarada bilər. Bununla da neftə olan tələbat azala bilər”. 

N.Cəfərli bildirib ki, "Brent” markalı neft ucuzlaşdıqda Azərbaycanın yerli brendi olan "Azərlight”da təsirlər görüləcək:
 
""Azərlight”ın isə qiymətinin enməsi yerli iqtisadiyyata mənfi təsir edəcək. Çünki hər 1 dollar qiymətin enməsi gündəlik olaraq Azərbaycanın gəlirlərinin 400 min azalması deməkdir”.