Fövqəladə Hallar Nazirliyinin Sumqayıt Regional Mərkəzi tərəfindən "Azərikimya” İstehsalat Birliyinin Etilen-Polietilen zavodunda "İrimiqyaslı fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda kompleks təlim keçirilib.
Qızıl Aypara Cəmiyyəti mətbuat xidmətindən Xeberle.com-a verilən məlumata görə, təlimin keçirilməsində məqsəd obyekt mülki müdafiə idarəetmə orqanlarının, fövqəladə hallar komissiyasının irimiqyaslı fövqəladə hallar zamanı zavod əməkdaşları və ərazisinin mühafizəsinin təşkili ilə əlaqədar mülki müdafiə tədbirlərinin yerinə yetirilməsindən, mülki müdafiə idarəetmə orqanlarının və rəhbər heyətin mülki müdafiə qüvvələrinin idarə olunması zamanı vaxtında və düzgün qərarların qəbul olunması, həmçinin xilasetmə işlərinin təşkili və aparılması üzrə əməli vərdişlərinin aşılanmasından ibarət olub. Bununla yanaşı əsas diqqət komandir-rəis heyətinin idarəetmə bacarıqlarının və mülki müdafiə dəstələrinin şəxsi heyətinin peşəkarlıq səviyyəsinin artırılmasına, Fövqəladə Hallar Nazirliyinin qüvvələri ilə hərbiləşdirilməmiş mülki müdafiə dəstələri arasında qarşılıqlı fəaliyyətin əlaqələndirilməsinə, əməliyyat qərargahının işinin təşkili, xilasetmə və digər təxirəsalınmaz işlərin aparılması zamanı təhlükəsizlik qaydalarına ciddi riayət olunmasına yönəldilib.
Təlim zamanı Azərbaycan Qızıl Aypara Cəmiyyəti Sumqayıt şəhər bölməsinin fövqəladə mobil könüllü dəstəsinin üzvləri bir qrup yaralıya ilk tibbi yardım göstərərək onların çadırlara daşınmasını nümayiş etdiriblər.
Məşq başa çatandan sonra xatirə şəkilləri çəkdirilib.
Xəbərdən istifadə edərkən istinad etmək vacibdir.
