Bir sıra yerli saytlar "Eirovison 2016" müsabiqəsinin qalibi Camalanın adından belə bir açıqlama yayıblar: "Müsəlman və tatar olsam da, damarımda axan qanın yarısı erməni qanıdır və deyə bilərəm ki, erməniyəm. Erməniləri, Ermənistanı çox sevirəm. Qələbəmi ermənilərə də həsr edirəm...".
Əməkdaşımız Ukraynanın UNİAN agentliyinə istinad olunan xəbərlə bağlı kiçik bir araşdırma aparıb. Məlum olub ki, ukraynalı ifaçı nə "Eurovison 2016” müsabiqəsindən əvvəl, nə də müsabiqədən sonra belə bir açıqlama verib. Ümumiyyətlə, onun müsahibələrində hansısa millətə olan sevgisi barədə hər hansı vurğuya rast gəlinmir.
Qeyd edək ki, UNİAN agentliyi həqiqətən də müğənninin müsahibəsini yayımlayıb. Lakin orada bizim saytlarda yer almış cümlələr yoxdur. Həmin müsahibə ilə buradan tanış ola bilərsiniz:
Araşdırmamız zamanı o da məlum olub ki, Camala "Aurovisiya” müsabiqəsindən xeyli əvvəl verdiyi və tamam başqa bir saytda yayımlanmış müsahibədə ailəsi barədə suala belə bir cavab verib: "Когда меня спрашивают о корнях, то я перечисляю несколько национальностей. Однако, несмотря на то, что я росла на крымско-татарской земле, всегда много общалась с армянскими семьями, проводила с ними время, находилась в их среде”.
Göründüyü kimi, burada da ermənilərə xüsusi sevgidən söhbət getmir və ifaçı özünü erməni saydığı barədə bir kəlmə də işlətmir. Həmin müsahibə ilə buradan tanış ola bilərsiniz:
Yerli saytlarımızda yayılmış xəbər belə təsəvvür yaradır ki, Camala ermənilər barədə fikirləri "Eurovision 2016” müsabiqəsində əldə etdiyi qələbədən sonra səsləndirib.
Əməkdaşımız ifaçının müsabiqədən sonra verdiyi müsahibələri toplayaraq onların hamısı ilə tanış olub və heç bir materialda "Müsəlman və tatar olsam da, damarımda axan qanın yarısı erməni qanıdır və deyə bilərəm ki, erməniyəm. Erməniləri, Ermənistanı çox sevirəm. Qələbəmi ermənilərə də həsr edirəm" kimi fikirlərə rast gəlinməyib.
UNİAN Agentliyində "Eurovision 2016” müsabiqəsindən sonra yayımlanmış və bilavasitə Camaladan bəhs olunan bütün xəbərləri diqqətinizə təqdim edirik.
Qeyd edək ki, yerli saytlarda yayımış xəbərlərdə Camalanın 2009-cu ildə başqa bir musiqi yarışmasında qalib olması ilə əlaqədar verdiyi müsahibənin videogörüntüləri də yer alıb. Orada ifaçı atasının Krım tatarı – müsəlman olduğunu, anasının erməni – xristian olduğunu deyir. Özünün dini etiqadına gəldikdə isə, Camala bütün dinlərə tolerant yanaşdığını, lakin islamı seçdiyini vurğulayır.
Həmin müsahibə ilə buradan tanış ola bilərsiniz:
Onu da qeyd edək ki, heç erməni saytlarında da Camalanın adından belə bir açıqlama yayımlanmayıb. Əgər ifaçı belə bir şey desəydi, heç şübhəsiz ki, bu fikirlər erməni saytlarının manşetində olardı.
Göründüyü kimi, ukraynalı ifaçı heç bir yerdə ermənilərə xüsusi sevgisindən və qələbəsini onlara həsr etməsindən bir kəlmə də olsa danışmayıb. Maraqlıdır, ifaçının demədiyi sözləri onun adından təqdim etməkdə məqsəd nədir?
"Azərfaks"
Xəbərdən istifadə edərkən istinad etmək vacibdir.
