Təhsil naziri Mikayıl Cabbarovtəhsil müəssisələrində Xocalısoyqırımının 25-ci ildönümünün keçirilməsi barədə əmr imzalayıb.
Təhsil Nazirliyindən Xəbərlə.com-a verilən xəbərə görə, əmrə əsasən, Xocalısoyqırımının iyirmi beşinci ildönümünün keçirilməsi ilə əlaqədar nazirliyin Tədbirlər Planı təsdiqlənib.
Fevralın 24-də ali, orta ixtisas, ilk peşə, ümumi və məktəbdənkənar təhsil müəssisələrində ilk dərs Xocalı soyqırımına həsr ediləcək.
Tədbirlər planında fevral ayında ali, orta ixtisas, ilk peşə, ümumi və məktəbdənkənar təhsil müəssisələrində Xocalı soyqırımına həsr olunmuş tədbirlərin (xatirə gecələri, foto və rəsm sərgiləri, şahidlərlə görüşlər və s.) keçirilməsi, milli azadlıq uğrunda mübarizəyə həsr olunmuş sənədli və bədii filmlərin nümayişinin təşkili öz əksini tapıb.
Xəbərdən istifadə edərkən istinad etmək vacibdir.
