Sumqayıt məktəbliləri Respublika Fənn
Olimpiadalarında yarımfinal turunda da uğurlu nəticələri ilə yadda qalıb.
Bu barədə Xeberle.com-a Sumqayıt şəhər Təhsil şöbəsindən məlumat verilib. Bildirilib ki, yarımfinal turunda Sumqayıtın
ümumtəhsil məktəblərindən ümumilikdə 300-ə yaxın şagird iştirak edib, onlardan
59 nəfəri finala vəsiqə qazanıb: "Bu ötən ilki nəticədən təxminən 34 faiz
yüksək göstəricidir. Belə ki, ötən ilə final mərhələsinə yüksələn şagirdlərin
sayı 44 nəfər olub. Bu cəhətdən ən yaxşı nəticə Təbiət elmləri təmayüllü
gimnaziyaya məxsusdur. Gimnaziyanın yarımfinalda iştirak etmiş 87 şagirdindən
24 nəfəri final mərhələdə iştirak etmək hüququ əldə edib. "
Qeyd edək
ki, 4-6 may tarixlərində Bakı şəhərində
keçiriləcək Respublika Fənn Olimpiadalarının final mərhələsində Sumqayıtı on
doqquz ümumtəhsil məktəbinin şagirdləri təmsil edəcək.
Xeberle.com
Xəbərdən istifadə edərkən istinad etmək vacibdir.
