"Stadionun ikinci buraxılış kompleksi
çərçivəsində paralel olaraq üç işin icrası nəzərdə tutulur. Birincisi, mövcud
1300 nəfərlik stadionun meydançasının süni örtüyü təbii örtüklə əvəz olunacaq və
çoxsaylı tamaşaçıların istəyini nəzərə alaraq 800 nəfərlik əlavə arena tikiləcək.
Mövcud stadionun arxasında isə Sumqayıt Futbol Akademiyasının müvafiq yaş
qruplarını əhatə edən komandalarının məşq etmələri üçün bir ədəd süni örtüklü
meydança, bir ədəd isə "Sumqayıt” Peşəkar Futbol Klubunun əsas heyətinin məşqləri
üçün təbii örtüklü meydança tikiləcək. Bu stadionlardakı məşqləri və yarışları
da izləmək üçün 1300 nəfərlik tribuna quraşdırılacaqdır.”
Xeberle.com xəbər verir ki, bu sözləri
açıqlamasında "Azərikimya” İstehsalat Birliyinin Sosial İnkişaf şöbəsinin müdiri
Fikrət Əliyev deyib.
Onun sözlərinə görə, hazırda Birliyin
Təmir-tikinti idarəsi tərəfindən təlim stadionlarının meydança altı əsaslarının
qurulması işləri yerinə yetirilir. F. Əliyev bildirib ki, bu işlərin may ayının
25-nə kimi tamamlanması nəzərdə tutulur: "Stadionların ot örtüklərinin
yaradılması, drenaj sitemlərinin qurulması, habelə hasarlanması və s. işləri
tender yolu ilə qalib gələn şirkət tərəfindən icra olunacaq və ümumilikdə işlərin
bu ilin oktyabr ayında başa çatdırılması nəzərdə tutulur."
Xatırladaq ki, 2013-cü ilin
sentyabında Sumqayıtda müasir standartlara cavab verəcək şəkildə tikilmiş,
müasir qurğu və avadanlıqlarla təchiz edilmiş yeni stadion futbolsevərlərin
ixtiyarına verilib. Sumqayıtda futbola marağın getdikcə artması və "Sumqayıt”
PFK-nın Azərbaycan birinciliyindəki uğurları nəzərə alınaraq, SOCAR-ın "Azərikimya”
İstehsalat Birliyi tərəfindən stadionun ikinci buraxılış kompleksinin
tikintisinə start verib.
Xeberle.com
Xəbərdən istifadə edərkən istinad etmək vacibdir.
