Bu isə ətraf ərazilərdə yaşayan sakinlərin ciddi narazılığına səbəb olub.

Bu barədə Xeberle.com-a müraciət edən sakinlər xəstəxananın həyətində yandırılan zibillərin tüstüsünün ətraf ərazilərə yayıldığını və xoşagəlməz qoxu ilə yanaşı, bir çox problemlərə də yol açdığını bildiriblər.

Məsələ ilə bağlı Sumqayıt şəhər 1 nömrəli şəhər Xəstəxanasının baş həkimi Nazim Hüseynquliyev ilə əlaqə saxladıq. Nazim Hüseynquliyev saytımıza açıqlamasında tullantıların xəstəxananın işçiləri tərəfindən yandırılmadığını deyib: "Zibilləri hündürmərtəbəli binaların eyvanlarından xəstəxananın həyətinə atırlar. Biz qəti sürətdə o zibilləri yandırmırıq. Xəstəxananın həyətinə girmək üçün heç kəsə maneə törədilmir. Ola bilər ki, oraya gələnlərdən biri yandırıb”.

Sumqayıt Dövlət Yanğından Mühafizə İdarəsindən isə Xeberle.com-a bildirildi ki, xəstəxanadan yanğın hadisəsinin baş verməsi ilə bağlı məlumat onlara daxil olmayıb: " Xəstəxananın işçiləri nəzarət altında oranı təmizləyib yandırırlar. Ətrafda yaşayan sakinləri narahat etməmək şərtilə hər bir obyektdə nəzarət altında nəyinsə yandırılması həyata keçirilə bilər. Oranın həyətində zibillərin yandırılması ilə əlaqədar hündürmərtəbəli yeni tikilinin komendantı bizə müraciət edib. Hadisə ilə bağlı Dövlət Yanğın Nəzarəti Xidmətinin inspektorlarına məlumat vermişik və problemin aradan qaldırılması üçün oraya yanğınsöndürən maşın göndərmişik”.

Elnarə Salamova

Xeberle.com