Çoxmənzilli binanın həyətində sürü ilə yaşayan pişiklər sakinləri vahiməyə salıb.
Günü-gündən dəyişən, müasirləşən şəhərimizdə sahibsiz heyvanlar hələ də öz həllini tapmayan problemlər sırasında qalır. Daha çox sahibsiz itlərdən söz açılıb. Amma pişiklər də, sən demə, ciddi narahatlıq yaradırmış. Həyətdə pişiklərin sürüylə saxlanılması orada oynayan uşaqların sağlamlığı, saxlanılan yerin gigiyenik vəziyyəti – bütün bunlar, əlbəttə ki, təhlükə də yaradır.
Xeberle.com-a daxil olan müraciət əsasında Sumqayıt şəhər, 45-ci məhəllədə çoxmənzilli evlərin həyətində yaşayış ərazisində kütləvi halda bir qadın tərəfindən pişiklərin saxlandığını öyrəndik. Təbii ki, küçə heyvanlarına sahib çıxılması və onları gündəlik qidayla təmin etmək özü nəcib bir addımdır. Lakin bu pişiklərin sürü halında ətrafda dolanması gigiyenik cəhətdən cox təhlükəlidir. Əgər bu heyvanların həm quduzluq əleyhinə, həm də sağlamlıqları üçün zəruri olan peyvəndləri nəinki vaxtında, ümumiyyətlə vurulmursa, o zaman problemin nə qədər ciddi olduğu aidiyyəti qurumları düşündürməyə bilməz. Adıçəkilən binanın sakinləri bu vəziyyətlə bağlı narazılıqlarını bildirirlər: "Bütün bu pişikləri həmin binada, 3-cü blokda yaşayan qadın öz mənzilində saxlayır. Həyətə ayaq qoymaq mümkün deyil. Hər tərəfdə pişiklərdir. Bir yaşayış sahəsində, mənzildə "pişik şəhərciyi"nin yaradılması nə gigiyenikdir, nə də uşaqlara, digər insanlara həyətdə gəzməyə, normal yaşamağa imkan verir. Həyətdə dayanan, duran maşınların belə üstündə, skamya və oturacaqlarda, bir sözlə, hər yerdə tam sərbəst gəzirlər".
Biz çəkib işıqlandırdıq.
Ümüd edirik ki, problem tez bir zamanda öz həllini tapacaq və sakinlərin təşvişinə son qoyulacaq.
Qarşı tərəfin də mövqeyin işıqlandırmağa hazırıq.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
