Bu gün Azərbaycanda prokurorluq işçilərinin
peşə bayramı qeyd olunur. Peşə bayramı
münasibəti ilə bir qrup qanun keşikçisi təltif olunub.
Xeberle.com-un məlumatına görə, respublika
hərbi prokurorunun böyük köməkçisi, mətbuat xidmətinin rəhbəri Firad Fuad oğlu Əliyev də mükafatlandırılanlar
sırasındadır.
Belə ki, xidməti vəzifələrini nümunəvi icra etməsi ilə
əlaqədar olaraq F. Əliyevə polkovnik-leytenant-ədliyyə müşaviri xüsüsi rütbəsi
verilib.
Qeyd edək ki, Firad
Əliyev 1982-ci il yanvarın 3-də Sumqayıt şəhərində anadan olub. İlk təhsilini Sumqayıt şəhər
30 saylı tam orta məktəbdə alıb. Daha sonra ailəsi ilə Gəncəyə köçən F.Əliyev
yenidən Sumqayıta qayıdaraq 38 saylı tam orta məktəbdə təhsilinə davam edib.
2002-ci ildə Bakı Dövlət Universitetinin Hüquq fakültəsini fərqlənmə ilə
bitirib. 2004-cü ildə isə F.Əliyev Bakı Dövlət Universitetinin Hüquq fakültəsinin
Magistr təhsil pilləsini isə yenə də fərqlənmə ilə bitirib.
2005-ci ildən isə Prokurorluq
orqanlarında xidmət edir.
Xeberle.com
Xəbərdən istifadə edərkən istinad etmək vacibdir.
