Uzun müddətdir pensiyaların maliyyələşməsi vaxtından əvvəl başa çatır və hər ayın 13-dək Bakı şəhərində pensiyalar verilir, 20-dək isə regionlarda proses tam başa çatır. Lakin oktyabrda Sumqayıtda işləyən kateqoriyaya aid təqaüdçülərin pensiyaları verilməyib. Bununla bağlı bankomatlara məlumat da yapışdırılıb.
Məsələ ilə bağlı Dövlət Sosial Müdafiə Fondunun Sumqayıt şəhər şöbəsi ilə əlaqə saxladıq. Şöbədən Xeberle.com- a pensiyaların gecikdirilməsinin səbəbini belə əsaslandırdılar: "Vəsait çatışmazlığından işləyən təqaüdçülərin pensiyaları oktyabr ayında gecikir.Lakin pensiyalar ayın sonuna qədər tam veriləcək, ayın 20-25-dək bütün şəhər üzrə maliyyələşmə başa çatacaq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
