Rusiyanın Anapa şəhərində yeniyetmə boksçular arasında Avropa birinciliyinə yekun vurulub. Azərbaycan millisi yarışı 2 qızıl və 1 bürünc medalla başa vurub.
Vaqif Kazımovun baş məşqçisi olduğu komandada Əli Zamanovla (48 kq) Murad Allahverdiyev (80 kq) Avropa çempionu tituluna yiyələnib. Əhməd Əhmədov (+80 kq) isə bürünc medalla kifayətlənib.
Xeberle.com xəbər verir ki, 48 kq çəki dərəcəsində mübarizə aparan Zamanov Hayk Alaberkyan (Ermənistan), Eduard Voskanyan (Rusiya), Krasimir Churov (Bolqarıstan) və Mixail Taranunun (Moldova) ardından Jo Makqraili (İngiltərə) də məğlub edib. Təmsilçimiz final döyüşündə rəqibinə 4:1 (29:28, 29:28, 28:29, 29:28, 29:28) hesabı ilə qalib gələrək, qızıl medala layiq görülüb.
Qeyd edək ki, Ə. Zamanov Əməkdar məşqçi Elbrus Rzayevin və Fərid Mayılovun tələbəsi, eləcə də Sumqayıt boks məktəbinin yetirməsidir.
Xəbərdən istifadə edərkən istinad etmək vacibdir.
