Ekologiya və Təbii Sərvətlər Nazirliyi tərəfindən Bakı, Sumqayıt, Gəncə şəhərləri, habelə Abşeron yarmadasında müasir standartlara uyğun təmizləyici qurğuları olmayan, havanı çirkləndirən 292 iaşə obyektindən atmosferə atılan tullantılarla bağlı monitorinqlərin aparıldığını xəbər vermişdik.
Nazirliyin mətbuat xidmətinin rəhbəri İradə İbrahimova Xeberle.com-a məhkəmə tərəfindən 17 restoranın bağlanması istiqamətində işlər görüldüyünü və həmin restoranlardan isə 9-nun Sumqayıt ərazisində yerləşdiyini bildirib.
"Qubadlı”, "Dan Ulduzu”, "Tural”, "Sumqayıt”, "Qərb Saray”, "Ülvi”, "Love palace”, "Savalan”, "Green House" və digər şadlıq saraylarının da yer aldığı bu obyektlər edilən xəbərdarlıqlara məhəl qoymadan havanı çirkləndirməyə davam etdikləri üçün bağlanılması istiqamətində tədbirlər görülür.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
