15 yaşlı yeniyetmənin vaxtından əvvəl dünyaya gətirdiyi uşaq
ehtiyatsızlıqdan həyatını itirib.
Xeberle.com-un xarici mətbuata
istinadən verdiyi məlumata görə, Boliviyada
15 yaşlı yeniyetmənin dünyaya gətirdiyi usaq, həkimlərin ehtiyatsızlığı
ucbatından vaxtından əvvəl doğulan uşaqların saxlanıldığı kuvəz aparatında yanıb.
Məlumata görə, xəstəxanaların birində ana hamiləliyinin 36-cı həftəsində
vaxtından əvvəl doğuş edib. Xəstəxanada
vaxtından əvvəl doğulan uşaqların saxlanıldığı boş aparat olmadığından həkimlər
körpəni başqa bir xəstəxanaya göndərmək əvəzinə, yeni doğulmuşlar şöbəsində
işıqları gur olan bir aparatda saxlayıblar.
Yeniyetmə ana uşağa süd vermək üçün
şöbəyə gedərkən körpənin qollarında yanıqlar olduğunu və ağrıdan inildədiyini görüb. Uşağın vəziyyəti
haqda həkimlərə məlumat verilsə də, bədənindəki yanıqlar ağır dərəcəli
olduğundan körpəni xilas etmək mümkün olmayıb.
Hadisə ilə bağlı araşdırmalara
başlanılıb.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
