Xəbər verdiyimiz kimi
Sumqayıt şəhər 25 nömrəli tam
orta məktəbin direktoru Arzu
Şirxan qızı Alızadə Sumqayıt şəhər Təhsil şöbəsinin müdiri təyin olunub.
Təhsil şöbəsinin müdiri Arzu Alızadə təyinatı və gələcəkdə
görüləcək işlərlə bağlı Xeberle.com-a özəl açıqlama verib.
A. Alızadə ona göstərilən etimadı doğruladacağını və Sumqayıt
təhsilinin daha da inkişaf etməsi üçün səylə çalışacağını vurğulayıb.
Xanım müdir əsas fəaliyyət istiqamətlərini də açıqlayıb: "Bu il
kurikulum siniflərinin ilk buraxılışları olacaq, işimizi daha möhkəm və səriştəli
qurmalıyıq ki, nəticələrimiz yüksək olsun. 2017-2018-ci il tədris ili üçün Sumqayit şəhərinin nəticələri birinci olub və
biz də çalışacağıq ki, bu nəticələri qoruyub
saxlayaq. Qrant layihələrdə iştirakçıların sayını artırmağı planlaşdırırıq.
Bildiyiniz kimi, ölkə başçısının müvafiq sərəncamı ilə "İlin müəllimi",
"İlin məktəbi" müsabiqələri ləğv
edilib. Onun əvəzində təhsildə inkşaf və innovasiyalar üzrə qrant müsabiqələri elan olunub. Bu layihələrin həm məktəb, həm də fərdi kateqoriyaları var. 25 nömrəli məktəb direktor olduğum müddətdə layihə rəhbərliyim ilə iki il ardıcıl olaraq qrant layihələrinin qalibi olub.
Bununla yanaşı 11 və 13 nömrəli məktəblər də bu müsabiqədə qalib adını qazanıb.
Nazirliyin tələbi qalib məktəblərin sayının çox olmasıdır. Bu layihələr üzərində
işləyəcəyik. Olimpiada nəticələrimizi artıracağıq. Fənn müsabiqələrində qaliblərin
sayının çox olmasına çalışacağıq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
