Xeberle.com xəbər verir ki, partiyanın siyahısında yer alan şəxslərin bir hissəsinin adı məlum olub. Sumqayıtda fəaliyyət göstərən seçki dairələrinə gəldikdə isə 41 saylı Sumqayıt I seçki dairəsindən hazırda Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, 42 saylı Sumqayıt II seçki dairəsindən hazırda deputat olan Tahir Mirkişili, 43 saylı Sumqayıt III seçki dairəsindən Emin Hacıyevdir, 44 saylı Sumqayıt - Xızı seçki dairəsindən isə Sumqayıt Uşaq Xəstəxanasının baş həkimi Müşfiq Məmmədovun namizədliyi irəli sürülüb.

Xeberle.com Emin Hacıyevin kimliyini araşdırıb. Məlum olub ki, E. Hacıyev Rusiya Azərbaycanlıları Gənclər Təşkilatının (AMOR) icraçı direktorudur. O, Gənclər və İdman Nazirinin müavini Fərhad Hacıyevin qardaşıdır və Sumqayıt şəhərində anadan olub.