Xəbər verdiyimiz kimi,  koronavirus infeksiyasının yayılmasının qarşısının alınması məqsədi ilə  martın 19-da saat 00.00-dan etibarən xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla respublikanın şəhər və rayonlarında qeydiyyatda olan nəqliyyat vasitələrinin və onların sərnişinlərinin Bakı, Sumqayıt şəhərlərinə və Abşeron rayonuna buraxılması martın 29-dək dayandırılacaq. 
Qərara əsasən Bakı, Sumqayıt şəhərləri və Abşeron rayonunda qeydiyyatda olan sərnişindaşıma nəqliyyat vasitələrinin (avtobus, mikroavtobus, taksi və s.) ölkənin başqa şəhər və rayonlarından Bakı, Sumqayıt şəhərlərinə və Abşeron rayonuna sərnişin daşımaları qadağan olunur. 
Sumqayıt şəhər avtovağzalından Xeberle.com-a verilən məlumata əsasən sabahdan rayonlara gedən avtobuslarında hərəkəti mart ayının 29-a qədər tam dayandırılacaq. Həmçinin də rayonlardan şəhər avtovağzalına sərnişin daşıyan avtobuslar da fəaliyyət göstərməyəcək. Yalnız Abşeron, Bakı və Sumqayıt qeydiyyatı olan fərdi maşınlarla bayram günlərində rayonlara səfər etmək mümkün olacaq.

Xəbərdən istifadə edərkən istinad etmək vacibdir.