Xəbər verdiyimiz kimi, Prezident İlham Əliyev Azər Bəhlul oğlu Qocayevin Kəlbəcər Rayon İcra Hakimiyyətinin başçısı təyin edilməsi haqqında sərəncam imzalayıb.
Xeberle.com yeni başçının bioqrafiyasını araşdırıb. Məlum olub ki, Azər Qocayev 1985-ci ildə Sumqayıtda anadan olub. O, Sumqayıt şəhər 31 saylı tam orta məktəbi bitirib. Ali təhsilini Sumqayıt Dövlət Universitetinin energetika fakültəsində alıb. Təhsilini başa vurduqdan sonra "Azərişıq" ASC-nin Sumqayıt şöbəsində çalışıb. Daha sonra "Azərbaycan Dəmir Yolları” QSC-də əmək fəaliyyətinə davam edib.
Azər Qocayev Kəlbəcər Rayon İcra Hakimiyyətinin başçısı vəzifəsində sələfi Aqil Sadıq oğlu Məmmədovu əvəz edib.
Xəbərdən istifadə edərkən istinad etmək vacibdir.
