Xeberle.com-un məlumatına görə, radioda yayımlanan həmin verilişdə baş həkimin xəstə halda işə gəldiyi və bununla yanaşı tibb müəssisəsinin işçilərinin də məcburi işə çıxmalarını təhrik etməsi də qeyd olunur.

Yayılan məlumat sosial şəbəkələrdə geniş müzakirələrə səbəbə olub.

Məsələ ilə bağlı Sumqayıt şəhər Səhiyyə şöbəsinin müdiri Səkinə Sadıxova ilə əlaqə saxladıq. S. Sadıxova Xeberle.com-a açıqlamasında belə bir halın yaşanmadığını bildirdi və yayılan məlumatları təkzib etdi: "Baş həkimlər hamısı nəzarətimizdədir. Necə ola bilər ki, koronavirus testi müsbət çıxsın, lakin işə gəlib- getsin və bizim də bundan xəbərimiz olmasın. Bu mümkün deyil. Bütün tibb işçiləri təlimata uyğun olaraq gündəlik müayinələrdən keçirilir. Hərarəti olan hər bir tibb işçisindən yaxma nümunələri götürülür. Analizin cavablarına uyğun, pozitiv nəticələr olarsa dərhal təcrid olunurlar və müalicələri aparılır. Bütün izoliyasiya qaydalarına da əməl olunur".