Türkiyə Silahlı Qüvvələrinin mina
və əldə düzəldilmiş partlayıcı qurğuların zərərsizləşdirilməsi üzrə
mütəxəssisləri Azərbaycan Ordusuna işğaldan azad edilmiş ərazilərimizdə
köməklik göstərməyə başlayıb.
Bu barədə Xeberle.com-a Azərbaycan Müdafiə Nazirliyindən məlumat verilib.
"Türkiyəli hərbi mütəxəssislər həmin
ərazilərin minalardan və partlayıcı qurğulardan təmizlənməsi işini
həyata keçirəcək və mühəndis bölmələrimizə tədris məşğələləri təşkil
edəcək.
Göstərdiyi dəstəyə görə qardaş Türkiyə Milli Müdafiə Nazirliyinə təşəkkürümüzü bildiririk", - deyə nazirlikdən bildirilib.
Xəbərdən istifadə edərkən istinad etmək vacibdir.
