Ötən gündən
Sumqayıt şəhər 8-ci mikrorayon ərazisində magistral kanalizasiya borusunun çökməsi
nəticəsində şəhərin yarıdan çox hissəsində içməli suyun verilişi
dayandırılıb. Bununla yanaşı, ərazidə olan bir sıra obyektləri də
kanalziasiya suları basıb, orada olan avadanlıqlar, ləvazimatlar suyun altında
qalaraq yararsız hala düşüb.
Sumqayıt Sukanal İdarəsindən Xeberle.com-a verilən məlumata
görə, əraziyə mütəxəssislər cəlb olunub və təmir bərpa işləri hələ də davam
edir. Qurumdan kanalizasiya
borusunun çökməsi nəticəsində bir çox mənzillər və obyektlərin kanalizasiya
suları ilə dolduğunu təsdiq ediblər. Qeyd
olunub ki, baş vermiş qəza tamamilə aradan qaldırıldıqdan sonra ziyan dəymiş
subyektlər barəsində araşdırma aparılacaq və müvafiq tədbirlər görüləcək.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
