Koronavirus pandemiyası ilə əlaqədar ölkə ərazisində elan edilən xüsusi karantin rejiminin pozulması hallarına qarşı mübarizə tədbirləri Sumqayıt şəhəri ərazisində də davam etdirilir. Şəhərin bütün küçə və prospeklərində, park və xiyabanlarında xidmətə cəlb edilən polis, eləcə də daxili qoşunların əməkdaşları insanlarla profilaktik söhbətlər aparırılar.
Sumqayıt şəhər Polis İdarəsimdən Xeberle.com -a verilən məlumata görə, dəfələrlə edilən xəbərdarlıqlara baxmayaraq Sumqayıt şəhərində yanvar ayının 1-dən bu günə qədər xüsusi karantin qaydalarını pozan 324 nəfər cərimə edilib. Onlardan 184-ü Azərbaycan Respublikası İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə, qalanları isə icazəsi olmadan küçəyə çıxanlardır. Tərtib olunan cərimələrin ümumilikdə dəyəri isə 58 min manat civarındadır.
Sumqayıt şəhərində polis və daxili qoşunların əməkdaşlarından ibarət yaradılan mobil qruplar vasitəsilə xüsusi karantin rejiminə fasiləsiz olaraq nəzarət edilir.
Xədicə Səxavətqızı
Xəbərdən istifadə edərkən istinad etmək vacibdir.
