Sumqayıtda 8 tibb müəssisəsində koronavirusla bağlı peyvənd otaqları yaradılıb
Sumqayıt şəhər Səhiyyə şöbəsindən Xeberle. com-a verilən məlumatda bildirilir ki, 8 poliklinikada vətəndaşların peyvənd olunması prosesi həyata keçiriləcək.
Tibb müəssisələrində ümumilikdə 44 otaq hazırlanıb. Artıq peyvənd prosesinin təşkili ilə bağlı bütün lazımı tədbirlər görülüb. Bu otaqlarda gün ərzində verilən təlimata uyğun olaraq vətəndaşların peyvəndlənməsi işi həyata keçiriləcək.
Səhiyyə şöbəsindən verilən məlumatda həmçinin qeyd olunub ki, bütün texniki vəsait və dərman preparatları ilə təmin olunan tibb müəssisələrində vaksinasiyadan sonra allergik reaksiya verə biləcək şəxslər üçün də xüsusi otaq yaradılıb.
Qeyd edək ki, vaksinasiya ilkin olaraq tibb işçiləri arasında könüllü olaraq həyata keçiriləcək
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
