“Azərikimya” İstehsalat Birliyinin təşkilatçılığı ilə 11 fevral -  “Ümumdünya Xəstələr Günü” ilə əlaqədar xeyriyyə aksiyası keçirilib.

Sosial mahiyyət kəsb edən və ağır xəstəliyə mübtəla olan insanlara dəstək olmaq missiyası daşıyan aksiyada kimyaçılar Respublika Qızıl Aypara Cəmiyyəti Sumqayıt şəhər bölməsinin üzvləri ilə ilə birgə Sumqayıt şəhərində yaşayan və müxtəlif xəstəliklərdən əziyyət çəkən insanları yaşadıqları mənzillərində ziyarət ediblər.

Əsasən uşaqların və kimsəsiz insanlardan ibarət xəstələrə “Azərikimya” İstehsalat Birliyi və Qızıl Aypara Cəmiyyəti Sumqayıt şəhər bölməsi tərəfindən müxtəlif təyinatlı yardımlar edilib.