"Sumqayıt
Mənzil Kommunal Təsərrüfatı İstehsalat Birliyinin tabeliyində 70 yataqxana var. Ötən
müddət ərzində bu yataqxanalardan artıq 3-ü sökülüb və orada yaşayan əhaliyə
kompensasiya ödənilib. Sokülən yataqxanalardan biri 15- ci məhəllədə yerləşirdi
və hazırda yerində park salınıb. Digər
ikisi isə 42 və 76-cı məhəllələrdə idi. Daha 2 yataqxana barəsində isə Fövqəladə
Hallar Nazirliyinə rəy bildirilməsi üçün sorğu göndərilib”.
Bu
barədə Xeberle.com-a Sumqayıt Mənzil Kommunal Təsərrüfatı İstehsalat
Birliyindən verilən açıqlamada bildirilib. Qeyd
olunub ki, şəhərin 2-ci mikrorayonunda yerləşən 13 saylı yataqxananın söküntüsü
üçün FHN artıq rəy verib: "Söküntüdən
qabaq isə əhalinin yeni mənzillə təmin olunması da nəzərə alınıb. Belə ki, sözügedən yataqxananın sakinlərinin siyahısı tərtib olunaraq
aidiyyatı üzrə təhvil verilib. Sakinlər kompensasiya ilə təmin olunacaqlar və
istədikləri ərazidə mənzil almaq hüquqları var.
Sökülən yataqxananın yerində abadlıq işləri aparılacaq. 29-cu məhəllədə olan yataqxana
barədə isə sorğu göndərilib”.
Digər
yataqxanalara gəldikdə isə "heç bir problem yoxdur və əhali yaşayışını həmin yataqxanalarda
davam edir” – deyə verilən açıqlamada bildirilir.
Yaranan
kiçik problemlərin isə Mənzil İstismar
Sahələri (MİS) tərəfindən araşdırılaraq, həll edildiyi vurğulanıb.
Xədicə
Səxavətqızı
Xeberle.com
Xəbərdən istifadə edərkən istinad etmək vacibdir.
