Xeberle.com-un məlumatına görə, belə bir iddia ilə sosial şəbəkə istifadəçisi H. Sadıqov çıxış edib. Onun sözlərinə görə, sözügedən tibb müəssisəsində həkimlər qeyri-qanuni ödənişlər tələb edir.

Məsələ ilə bağlı Sumqayıtda Psixiatriya Xəstəxanası ilə əlaqə saxladıq. Baş həkim Elzibar Bəbirov Xeberle.com-a açıqlamasında rəhbərlik etdiyi tibb müəssisəsi haqqında sosial şəbəkələrdə yayılan məlumatları əsassız hesab edir: "Səsləndirilən fikirlər şər-böhtandan başqa bir şey deyil. Xəstələrimiz xroniki xəstələrdir. Vaxtaşırı müalicələrini almağa davam edirlər. Xəstələrdən hər hansı bir qeyri-qanuni ödəniş də tələb edilmir”.

Qeyd edək ki, xəstəxana 1979-cu ildən fəaliyyət göstərir, 80 çarpayılıqdır. Əsas təyinatı əhaliyə psixonevroloji, psixoprofilaktik tibbi xidmət göstərmək, psixi qüsuru olan xəstələrin sosial əmək reabilitasiyasını təşkil etməkdir.

Xədicə Səxavətqızı

Xeberle.com