Bildiyiniz kimi, ötən ilin sentyabr ayında şəhərdə fəaliyyətdə olan ictimai nəqliyyatda kart sisteminin tətbiqinə başlanıldı.
Lakin elə ilk gündən problemlər və şikayətlərin ardı- arası kəsilmədi.
Validatorlarda və kart sistemində yaranan problemlər səbəbindən isə noyabrın 22-dən nağdsız ödəniş sistemi müvəqqəti dayandırılıb.
Bildirildi ki, yaxın vaxtlarda problemlər həll ediləcək və yenidən kart sisteminə keçiləcək. Artıq 2022-ci ilin fevral ayıdır, hələ də kart sisteminin yenidən tətbiqi məsələsindən əsər-əlamət yoxdur.
Sumqayıt Avtomobil Nəqliyyatı ilə Sərnişindaşıma İdarəsinin rəisi Sultan Əsədov isə Xeberle.com-a bu cavabı verməklə kifayətləndi: "Prosesə hazırlıq işləri davam etdirilir, yeni aparat və kartların alınması işləri aparılır. Yaxın vaxtlarda ictimai nəqliyyatda kart sisteminə yenidən keçid tam bərpa olunacaq".
Yaxın vaxtın nə zaman olacağını isə zaman göstərəcək.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
