Azərbaycanın zəngin övladları yenidən Türkiyə mətbuatının gündəminə gəliblər.
ANS
PRESS-in məlumatına görə, bu gün də Türkiyənin bəzi saytları
azərbaycanlıların zəngin həyatlarını əks etdirən fotolar paylaşıblar.
Fotolar İnstagram səhifələrindən götürülüb.
Müntəzəm
olaraq İnstagramda paylaşdıqları ilə gündəmə gələn Azərbaycanın zəngin
övladları yenə lüks həyatları, istirahətləri ilə diqqət çəkə biliblər.
Bu dəfə də paylaşılan fotolar arasında üstünlüyü qızlar, hədiyyələr
təşkil edir.
Maraqlısı odur ki, fotolar arasında xalq artisti Aygün Kazımovanın qızı İlqarənin də fotosu var.
O, onlarla qızılgüldən ibarət nəhəng bir buketin qarşısında oturub.
A.Kazımovanın qızı İlqarə
Xatırladaq
ki, Azərbayacanlı varlı balaları lüks həyat tərzləri ilə ilk dəfə deyil
ki, gündəmə gəlirlər. Onların bəzilərinin əməlləri, statustlarından
istifadə edərək törətdikləri qanunsuzluqlar mətbuatın gündəmini tez-tez
tutur.
Bu
barədə hətta prezident İlham Əliyev də müşavirələrində danışıb. O,
deyib ki, vəzifəli şəxslərin ailə üzvlərinin öz valideynlərinin
mövqeyindən istifadə edərək xoşagəlməz hərəkətlərə yol verir, qanunları
pozur. "Vəzifəli şəxslərin uşaqları qudurğanlıq edirlər. Onların
güvəndiyi şəxsləri mən təyin eləmişəm, mən də çıxararam”.
Xəbərdən istifadə edərkən istinad etmək vacibdir.