Saytımızda yayımlanan "Sumqayıtın
"Pişiklər məhəlləsi” - VİDEO + FOTO" başlıqlı yazıda 45-ci məhəllədə
mənzilində kütləvi şəkildə pişik saxladığı iddia olunan Leyla Həmidova Xeberle.com-a barəsində səslənən fikirlərin
ona qarşı atılan böhtan olduğunu bildirib və bununla bağlı geniş
yazı göndərib.
Həmin yazını təqdim edirik:
"Çoxmənzilli binanın həyətində
sürü ilə yaşayan pişiklər sakinləri vahiməyə salıb.”
Mən xəstə və çox yaşlı anamla yaşayıram. Evimdə iki pişiyim var. Sahibsiz heyvanların
müdafiəsi ilə uzun illərdir məşğul oluram, onlara qulluq edirəm.
Həm də təkcə 45-ci məhəllədə yox, Sumqayıtın bütün məhəllə və mikrorayonlarında
sahibsiz pişiklər , itlər var və mən
yüzlərlə pişiyə yem verirəm , bütün şəhəri gəzirəm onları az da olsa
doydura bilmək üçün. Mən məqaləni yazanların dediyinin və bildiyinin
əksinə, həyətdəki pişiklərin bütün peyvəndlərini
vaxtlı vaxtında elətdirirəm, hər bir peyvənd üçün pul ödəyirəm və əlimdə sənədlərim
var. Həyətdəki pişiklərin hamısı axtalaşdırılmış, sterlizə olunmuş pişiklərdir, onları bit və birəyə qarşı hər ay
dərmanlayıram, yəni aqressiv olmaları
mümkünsüzdür və hər biri himayəyə götürülməyə
hazır heyvanlardır. Hər ay
bir neçə dəfə Leyla Əliyevanınklinikasına və "AARC”adlanan iranlıların yaratdığı
heyvan klinikalarına sahibsiz pişikləri aparıram. Məni bütün veterinar həkimlər
və heyvan klinikaları tanıyır .Bütün prosedurlar : rentgen, USM , peyvəndlər,
dava – dərmanlar pulludur və bu pulu mən
öz cibimdən ödəyirəm. Bu pişiklər həyətdəki
bir çox insandan daha baxımlı və sağlamdırlar.
Bütün qazancımı pişiklər üçün xərcləyirəm . Bakıda, Sumqayıtın özündə heyvanlar
üçün baş tutan bütün xeyriyyə
aksiyalarına qoşuluram.
Kaş ki, o qonşu həyətdə bütün gün
oturub nərd atan, onun-bunun dalınca danışan işsiz-gücsüzlərdən, onlardan ar
edib yolu dolanaraq keçmək məcburiyyətində qalan qadınlardan, gecə səhərə qədər
o kişilərin yaratdığı hay-küydən, söyüş , nalayiq sözlər , dava-dalaş səslərindən,
sərxoş məclislərindən , bu alkoqoliklərin ora-bura qusmasından, batırmasından,
tüpürmələrindən, 45-ci məhəllədə
narkotik alverçilərindən, narkomanların ora-bura atdığı şprislərdən danışaydı.
Həyətdə artırılıb satılmaq üçün saxlanılan dovşanlar( peyvəndsiz və dava-dərmansız)
, toyuqlar , küçədə antisanitariya şəraitində tərəvəzin satılması, ağcaqanad
yuvasına çevrilən zirzəmilər, uçmuş , tökülməvə kiminsə başına düşmək təhlükəsində olan giriş qapıları onu heçmi
narahat etmir? Özünü qonşu kimi qələmə
verən sakin bircə dəfə də olsa pişiklərdən kiminsə zərər gördüyü faktını göstərə
bilərmi?
Mən artıq 7 ildir ki, həyətdə baş
verən nalayiq və sakinlərin asayişini pozmağa çalışan hadisələrlə bütün qanuni
yollarla mübarizə aparmağa çalışıram. 45- ci məhəllənin bütün künclərindən gələn
kişilərin necə içki məclisləri düzəltməsi,
həyətdə baş verən dava-dalaşlar barədə lazımi orqanlara şəkillərlə birlikdə
yazılı məlumatlar və şikayətlərlə dəfələrləmüraciət etmişəm. Əks halda mənim hansı mənzildə yaşadığımı və telefon
nömrəmi (məqaləni sifariş edən sakin tərəfindən verilmiş) bilənjurnalist işin əslini ilk ağızdan
yəni məndən soruşub, sonra qələmə alardı.
Heyvanlara qayğı göstərmək istəyən könüllülər
və heyvansevərlər ölkəmizdə minlərlədir . Heydər Əliyev Fondunun vitse-prezidenti, IDEA İctimai Birliyinin təsisçisi
və rəhbəri Leyla Əliyevanında bu
heyvansevərlərdən biri olduğunu bilirmi məqalənin sahibi? Bakı və ətraf ərazilərdə heyvanların müayinəsi
və müalicəsi, eləcə də onların müvəqqəti saxlanması üçün sığınacaqlar ,
klinikalar tikdirən Leyla xanım kompleks ərazisində pişik və itlər üçün yemlərin
istehsalı üzrə fabrik də nəzərdə tutub. Leylaxanımın humanistliyi , sahibsizheyvanlara qarşı qayğı və sevgisi , onun sahibsiz , köməyə möhtac olanheyvanları qorumaq adına gördüyü saysız-hesabsız işlər məni valeh edir.
Mən bir Azərbaycan vətəndaşı olaraq Leyla xanımı gördüyü bu humanist işlərdə dəstəkləyir
və bu ideyanın əksinə gedən bütün insanları qınayıram . Düşünürəm ki, xeyirxahlığı ,
qayğıkeşliyi və məqsədyönlüyü əlində rəhbər
edən Leyla xanımı bu yolda gördüyü işlərdə dəstəkləmək hər bir düşüncəli , vətənini irəli aparmağa
çalışan Azərbaycan vətəndaşının borcudur!!!
P.S. Redaksiya adından yoxlanılmamış informasiya verildiyinə görə təəssüf edirik və yazıda Leyla Həmidovanın mövqeyi işıqlandırılmadığına görə üzr istəyirik.
Xəbərdən istifadə edərkən istinad etmək vacibdir.