Bəzi yerlərdə küləyin sürəti 25-30 m/s təşkil edir.

Ekologiya və Təbii Sərvətlər Nazirliyi Bakıda müşahidə olunan hava şəraiti ilə bağlı açıqlama verib.

Nazirliyin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova bildirib ki, Bakıda hava şəraiti dünən axşam saatlarından etibarən pisləşib, hal-hazırda aşağı buludlu hava şəraiti müşahidə edilir.

Bakı və Abşeron yarımadasında şərq küləyi güclü şimal-qərb küləyi ilə əvəz olunub. Bakıda küləyin sürəti 15-20 m/s, bəzi yerlərdə 25-30 m/s təşkil edir.

Departamentin proqnozlarına görə, axşam saatlarından etibarən Bakı və Abşeron yarımadasında hava şəraiti mülayimləşəcək.  (Oxu.Az)