Sabaha Bakıda və Abşeron yarımadasında güclü şimal küləyi əsəcək, havanın temperaturu bir qədər enəcək.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan bildirilib ki, iyulun 4-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Şimal küləyinin güclənəcəyi gözlənilir.
Paytaxtda havanın temperaturu gecə 22-25, gündüz 26-31 dərəcə isti olacaq.
Azərbaycanın rayonlarında iyunun 4-də hava əsasən yağmursuz olacaq. Şərq küləyi əsəcək, ayrı-ayrı yerlərdə arabir güclənəcək.
Havanın temperaturu gecə 20-25, gündüz 32-37, dağlarda havanın temperaturu gecə 13-18, gündüz 25-30 dərəcə isti olacaq. (trend.az)
Xəbərdən istifadə edərkən istinad etmək vacibdir.
