Sabah Azərbaycanda 41 dərəcə temperatur gözlənilir

Avqustun 19-da Bakı və Abşeron yarımadasında hava şəraitinin əsasən yağmursuz keçəcəyi, axşam buludluluğun artacağı gözlənilir. Cənub küləyi əsəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumata görə, sabah havanın temperaturu gecə 23-27 dərəcə, gündüz 32-37 dərəcə isti olacaq.

Sabah Azərbaycanın rayonlarında hava şəraiti əsasən yağmursuz keçəcək, şərq küləyi əsəcək.

Havanın temperaturu Aran rayonlarında gecə  21-26, gündüz 34-41 dərəcə, dağlıq rayonlarda gecə 15-20, gündüz 28-33 dərəcə isti olacaq.