İyunun 27-də Bakıda və Abşeron yarımadasında hava şəraiti
günəşli keçəcək.
Bu barədə Xeberle.com-a Milli Hidrometeorologiya
Xidmətindən məlumat verilib.
Bildirilib ki, cənub küləyi əsəcək, havanın temperaturu gecə 22-26
isti, gündüz 35-39 ,bəzi yerlərdə 41 dərəcə, olacaq. Bakıda gecə 24-26
isti, gündüz 37-39 dərəcə isti olacaq.
Atmosfer təzyiqi normadan aşağı 755 mm civə sütunu təşkil edəcək. Nisbi rütubət gecə 45-55 , gündüz 30-35 faiz olacaq.
Abşeron çimərliklərində cənub küləyi əsəcək, dəniz suyunun
temperaturu, şimal çimərliklərində: (Sumqayıt, Novxanı, Pirşağı,
Nardaran, Bilgəh, Zaqulba) 25-26° isti, cənub çimərliklərində: (Türkan,
Hövsan, Sahil, Şıx) 26-27° isti olacaq.
İyunun 27-də Azərbaycanın rayonlarında havanın əsasən yağmursuz keçəcəyi gözlənilir. Lakin
gündüz bəzi dağlıq ərazilərdə şimşək çaxacağı, yağış yağacağı ehtimalı
var. Səhər bəzi yerlərdə duman olacaq, şərq küləyi əsəcək. Havanın
temperaturu gecə 20-25 isti, gündüz 35-40 , bəzi yerlərdə 43 isti,
dağlarda gecə 15-20 isti, gündüz 28-33 dərəcə isti olacaq.
Xəbərdən istifadə edərkən istinad etmək vacibdir.
