Fevralın 4-də Bakı və Abşeron yarımadasında havaşəraitinin dəyişkən buludlu olacağı, əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova deyib ki, gecə və səhər bəzi yerlərdə duman, çiskin olacaq, axşam buludluluq artacaq və gecəyə doğru bəzi yerlərdə yağış yağacaq. Cənub-qərb küləyi əsəcək, səhər şimal-qərb küləyinin güclənəcəyi gözlənilir. Havanın temperaturu gecə 5-7, gündüz 7-10 dərəcə isti olacaq.

Sabah Azərbaycanın rayonlarında da gecə və səhər bəzi yerlərdə duman, çiskin olacağı, axşama doğru yağıntılı olacağı gözlənilir. Dağlıq və dağətəyi rayonlarda isə sulu qar və qar yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 1-6, gündüz 8-13, dağlarda gecə 3 dərəcə şaxtadan 2 dərəcəyədək isti, gündüz 2-6 dərəcə isti olacaq.

Tibbi-meteoroloji proqnoza gəlincə, fevraln 4-ü səhərdən 5-i gündüzədək Abşeron yarımadasında atmosfer təzyiqinin xeyli yüksəlməsi, güclü xəzri küləyi bəzi meteohəssas insanlarda narahatlıq hissi yarada bilər. Fevralı 5-də gündüz və fevralın 6-da meteoroloji amillərin mülayim tərəddüdü meteohəsas insanlar üçün əsasən əlverişlidir.  (apa.az)