Saxta etibarnamə ilə avtomobil satan şəxs müəyyən edilib. 

Daxili İşlər Nazirliyinin mətbuat xidmətindən AzNews.az-a verilən məlumata görə, hadisə Gəncə şəhərində qeydə alınıb. Gəncə sakini Seymur Rzayevin saxta etibarnamə tərtib edərək Sumqayıt şəhər sakinləri Nurəddin Vəliyevə məxsus "Mercedes”, Şahin Ələkbərova məxsus "Mercedes” və Gəncə şəhər sakini Şamil Abbaslıya məxsus "Ford” markalı avtomobilləri satması Baş Dövlət Yol Polisi İdarəsi əməkdaşları tərəfindən müəyyən edilib. Faktla bağlı araşdırma davam etdirilir.