Saxlanılan şəxs bundan əvvəl bir dəfə məhkumluq həyatı yaşayıb. 
Sumqayıt Şəhər Polis İdarəsinin əməkdaşları oğurluq əməlləri törətməkdə şübhəli bilinən 32 yaşlı Samir Qardaşbəy oğlu Osmanovu yaxalayıblar. İstintaqa təhvil verilən Samir ifadəsində  üç mağazadan oğurluq etməsini etiraf edib:
"3 dəfə cinayət törətmişəm. Birində dükana girib, siqaret-zad götürdüm. Birində girdim dükana, satıcının başı qarışıq idi, telefonu götürüb çıxdım. Birində də satıcını aldatdım, şnuru götürüb çıxdım. Dələduzluq elədim. Bir dəfə də təmir gedən köhnə evə pəncərədən girdim, şnur, mis götürüb apardım, satdım". 
Samir Osmanov oğurluq mallarının satışından əldə etdiyi pulları narkotikə olan tələbatı üçün xərclədiyini bildirib:
"Aydın məsələdir ki, narkotik tələbatımı ödəmək üçün oğurluq eləmişəm. Məcbur olub etdim, özümdən asılı olmur. 3-4 ildir narkotik aludəçisiyəm. Bu narkotik bəladır da, Allah hamının köməyi olsun".
Saxlanılan şəxs bundan əvvəl bir dəfə məhkumluq həyatı yaşayıb. Sumqayıt Şəhər Polis İdarəsinin əməliyyatçıları Samir Osmanovun narkotiki aldığı şəxsi və yaxud da şəxsləri müəyyənləşdirməyə çalışır. 
Aşkar olunan faktlarla əlaqədar CM oğurluq maddəsi ilə başlanan cinayət işi üzrə araşdırmalar davam edir.