Ötən gecə Sumqayıt şəhəri, H. Əliyev pr., 5-ci məhəllə, ev 19/28-ə yaxın ərazidə yerləşən ərzaq mağazası yarılıb.
Moderator.az xəbər verir ki, obyektin arxa hissəsini sökərək içəri daxil olan oğrular mağazadan xeyli miqdarda siqaret, şirniyyat və digər ərzaq məhsulları aparıb. Əldə etdiyimiz məlumata görə, sözügedən mağazada eyni üsulla artıq bir neçə dəfədir ki, oğurluq hadisəsi baş verib. Ancaq indiyə kimi oğurluq edənlər tapılıb istintaqa cəlb edilməyib.
Hadisə ilə bağlı hüquq mühafizə orqanlarına məlumat verilib. 4-cü polis bölməsinin əməkdaşları hadisə yerində olublar, malların üzərindən müəyyən əl izlərini götürüblər. Hazırda hadisəni törətdən şəxslərin yaxalanaraq istintaq orqanlarına təhvil verilməsi istiqamətində iş aparılır.
Xəbərdən istifadə edərkən istinad etmək vacibdir.
