Getdiyimiz məkanda yüzlərlə adam olsa da, danışmağa adam tapmaq çətin oldu. Girişi daha da uzadıb,  sizləri intizarda qoymayacam. Bugünkü reportajının mövzusu  dağıdılmış qəbir daşları,  qəbristanlıqdır.

Bir az qorxu və tərəddüdlə qəbirlərə yaxınlaşırıq. Qəbir daşlarında insanların müxtəlif vaxtlarda çəkilmiş şəkilləri var. Bəzi daşlar üzərindəki şəkillərdə uçurdulub,dağıdılıb. Uçub dağılmış,üzərlərindəki yazılar isə oxunmaz halda olan  qəbirlərin yanındakı zibil qalıqları qəbristanlıqda baxımsızlığın olduğunu sübut edir. Hətta kollar, zibillər arasında itən qəbirlər,baş daşları sındırılıb ,dağıdılmış qəbirlərdə  də var. Bu isə başqa bir yazının mövzusudur.

Bizim məqsədimiz ölmüş insanların ruhunu narahat etmək deyil .Sadəcə Sumqayıt şəhərində 11 -ci mikrorayon ərazisində insanların yaxınlığından keçəndə ehtiyatlandığı ,natəmizlik mənbəyi olan xristian qəbirstanlığının bugünkü vəziyyətidir. Xoflana- xoflana da olsa qəbirlərin arasını gəzdikcə yalnız bir sualı düşünürdüm.

Sumqayıtın mərkəzindəki bu qəbirstanlıq kimə lazımdır? Lazımdırsa əgər niyə baxımsız vəziyyətdədir?! Ərazisinə görə elədə kiçik olmayan qəbirstanlıq indi küçə əyyaşlarının məskəni olub. Bildiyimiz kimi Bakı şəhərində Ağ Şəhər layihəsində plana düşən qəbirstanlıqlar başqa ərazilərə köçürdülüb. Şəhərin abadlığı  baxımından sözügedən qəbirstanlıq da başqa yerə köçürülsə idi daha yaxşı olardı. Bu halda kimsəsiz xristian məzarlığında uyuyan insanların da tamamilə unudulmadıqları üçün azacıq da olsa ruhları şad olardı… (qafqaznews.az)