Sumqayıtın Hacı Zeynalabdin qəsəbəsi Xəzri yaşayış massivində evdən pul oğurlayan şəxslər tutulub. Xeberle.com Region TV-yə istinadən xəbər verir ki, Bəstiqız Ağayevanın mənzilindən 1500 manat nağd pul və ov silah oğurlanıb. Polisə ərizə ilə müraciət edən qadına şübhəli şəxslərin saxlanıldığı xəbəri verilib.
Bölmədə üzləşmə zamanı isə zərərçəkən saxlanılan şəxsin qardaşı oğlu olduğunu görüb. Məlum olub ki, 21 yaşlı Qardaşxan Ağayev Sumqayıt Dövlət Universitetinin tələbəsidir. O, qonşuluqda yaşayan 17 yaşlı Elburus Əhmədovla əlbir olaraq, oğurluq əməlini törədib.
Qardaşxan Ağayevin sözlərinə görə, o etdiyi əməldən peşmandır: "Planlaşdırmadım. Elə beynimə girdi birdən. Bir dəmir parçası ilə plastik pəncərəni açdım, girdim içəri. Pula ehtiyac var idi. Getdim girdim də. Başqa heç nə, bu qədər. O da tanıdığım yer idi. Birinci əməlimdi də oğurluq. Eləmişəm, peşmanam".
21 yaşlı Qardaşxan Ağayev ötən il də eyni əmələ görə məhkum olunub. Lakin məhkəmə onun tələbə olduğunu nəzərə alaraq, cərimə kəsməklə kifayətlənib.
Xəbərdən istifadə edərkən istinad etmək vacibdir.
