Bu gün Bakı Ağır Cinayətlər Məhkəməsində oğurluq və quldurluqda təqsirləndirilən Kənan Bayramovun cinayət işi üzrə məhkəmə prosesi başa çatıb.
Lent.az-ın məlumatına görə, Bakı Ağır Cinayətlər Məhkəməsində keçirilən prosesdə hökm oxunub. Hakimlər kollegiyasının hökmünə əsasən K.Bayramov 10 il müddətinə azadlıqdan məhrum edilib.
Qeyd edək ki, Sumqayıt Şəhər Polis İdarəsinin əməliyatçıları şəhər ərazisində çoxsaylı oğurluq və quldurluq hadisələri törətməkdə şübhəli bilinən 19 yaşlı Bayramov Kənan Ədalət oğlunu həbs edib. İlkin məlumata görə, həmin şəxsin cinayətlərinin sayının təxminən 20-yə yaxın olduğu bildirilib. K.Bayramov qeyd edib ki, oğurladığı siqareti sataraq onun pulu ilə kafedə yeyib-içib.

Xəbərdən istifadə edərkən istinad etmək vacibdir.