Rusiyanın aşağı büdcəli aviaşirkəti "Pobeda" Ermənistanın paytaxtı Yerevana aviareyslər həyata keçirməkdən imtina edib.
Rusiya KİV-i xəbər verir ki, buna səbəb Zvartnots hava limanında gömrük rüsumlarının yüksək olmasıdır.
Yerevan hava limanında 1 sərnişin üçün rüsum 50 avro təşkil edir. Bu isə Rusiya aviaşirkətinin büdcəsinə uyğun deyil. "Pobeda"nın xarici marşrut istiqamətində 1 sərnişin üçün hava limanının rüsumu orta hesabla 10 avro təşkil edir. Bir sıra hava limanlarında isə bu xidmət ümumiyyətlə pulsuzdur.
Qeyd edək ki, "Pobeda" Rostovdan Yerevana, həmçinin Gümrüyə uçuşlar həyata keçirməyə icazə alıb.(azvision.az)

Xəbərdən istifadə edərkən istinad etmək vacibdir.