Vaxtilə Sumqayıt boks məktəbinin aparıcı simalarından olan Bəylər Mirzəyev növbəti dəfə seriala dəvət alıb. O, ATV telekanalında yayımlanan "Dəfnə ağacı” serialında Elşən rolunu ifa edir. Ssenariyə əsasən Elşən, Kamran və Səlim 3 dost olurlar. Onlar birlikdə qarət həyata keçirirlər. Bu olaya görə Elşən (Bəylər Mirzəyev) Rusiyaya qaçır, dostları ilə əlaqəsi kəsilir. Bir neçə aydan sonra o, eşidir ki, dostu Səlim itgin düşüb və dərhal Azərbaycana qayıdır. Gələndə isə digər dostu Kamranın özünə yaxşı iş şəraiti qurduğunu görür. Bununla da Kamrdandan şübhələnərək onu sorğu-suala çəkir.

"Dəfnə ağacı”nın 80-dən artıq seriyasının çəkilməsi planlaşdırılıb.
Qeyd edək ki, dəfələrlə boks üzrə Azərbaycan və beynəlxalq turnirlərin qalib və mükafatçısı oaln Bəylər Mirzəyev bunadək 7 yerli seriala dəvət alıb. O, hazırda Azərbaycan Televiziyası və Radio Verilişləri QSC-də redaktor vəzifəsində çalışır.