2016-cı ildə Türkiyənin İstanbul şəhərində qətlə yetirilən azərbaycanlı "qanuni oğru” Rövşən Lənkəranskinin varisi "Şeyx Xəmzət” ləqəbli Xəmzət Qastəmirovla bağlı bir sıra məlumatlar yayılıb.
İddialara görə, Qastəmirov vaxtı ilə Qafqaz Müsəlmanları İdarəsinin (QMİ) sədri Allahşükür Paşazadənin köməkçisi olub. Hətta yayılan xəbərlərdə "Şeyx Xəmzət”lə Paşazadənin tədbirlərin birində çəkilən fotosu da yer alıb.
Xeberle.com-un verdiyi məlumata görə, Yenicag.az-a açıqlama verən QMİ-nin mətbuat xidmətinin rəhbəri Rəhimə Dadaşova yayılan məlumatları təkzib edib. O, bu xəbərlərin həqiqətə uyğun olmadığını bildirib:
"Belə bir şey yoxdur. Bunlar tamamilə həqiqətə uyğun olmayan informasiyalardır. Bəzən tədbirlərdə fərqli-fərqli insanlar bir araya gəlirlər. Bu da o demək deyil ki, bundan nəsə nəticə çıxarmaq lazımdır”.
Xəbərdən istifadə edərkən istinad etmək vacibdir.
