Goranboy rayonunda 15 yaşlı oğlanın özündən 2 yaş böyük qardaşını bıçaqlayaraq öldürməsi hadisəsi ilə bağlı bəzi məqamlar üzə çıxıb.
Xeberle.com publika-ya istinadən xəbər verir ki, rayonun Xanqərvənd kəndində axşam radələrində 2004-cü il təvəllüdlü Xəlil Məmmədovun yaşadıqları evdə qardaşı, 2002-ci il təvəllüdlü İsmayıl Məmmədovu ehtiyatsızlıqdan öldürdüyü məlum olub.
Ailə üzvlərinin bildirdiyinə görə, X.Məmmədov qardaşı İsmayılla zarafatlaşıblar. Daha sonra onların zarafatlaşması mübahisəyə səbəb olub və bu zaman Xəlil böyük qardaşını bıçaqla qorxutmaq istəyib. Həmin vaxt ehtiyatsızlıq nəticəsində bıçaq 17 yaşlı İsmayılın döş qəfəsinə tuş gəlib və onun ürəyini zədələyib. Ailə üzvləri əvvəlcə nələrin baş verdiyini tam anlaya bilməyib, az sonra gənc oğlan daxili qanaxma nəticəsində vəfat edib.
Bildirilir ki, hadisədə adı keçən uşaqların atası Naftalanda sanatoriyada sürücü işləyir və ailə kənddə çox sakit, zəhmətkeş ailə kimi tanınıb. Hadisə vaxtı uşaqların valideynləri də evdə olub.
Hadisəni törədən 15 yaşlı Xəlil polis tərəfindən saxlanılıb.
Xəbərdən istifadə edərkən istinad etmək vacibdir.
