Sumqayıtda üzərində narkotik gəzdirən şəxsin oğurluq etdiyi də məlum olub.
Xeberle.com xəbər verir ki, Sumqayıt Şəhər Polis İdarəsi əməkdaşlarının əldə edilən məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş M.Əliyev saxlanılıb. Şəxsi axtarış zamanı onun üzərindən 485 qram marixuana aşkar edilərək götürülüb.
Ətrafında aparılmış tədbirlərlə onun şəhər ərazisində "İsuzu” markalı bir avtobusdan fevralın 11-də 30 manat, fevralın 22-də isə 40 manat, habelə fevralın 12-də digər "İsuzu” markalı avtobusdan 30 manat oğurladığı da müəyyən edilib.
Faktla bağlı araşdırma aparılır.
Xəbərdən istifadə edərkən istinad etmək vacibdir.
