Sumqayıtda ötən gecə 2 nəfər bıçaqlanıb.
Xeberle.com-un məlumatına görə, hadisələrdən biri zamanı 2-ci mikrorayon sakini, 1983-cü il təvəllüdlü Paşayev Pərviz Şakir oğlu ilə tanıdığı şəxslər arasında mübahisə düşüb. Mübahisə 36 yaşlı P. Paşayevin bıçaqlanması ilə nəticələnib. Hadisəni törətməkdə şübhəli bilinən şəxslər saxlanılıblar.
Digər qanlı olay isə şəhərin Sahil küçəsində qeydə alınıb. Belə ki, dənizkənarında düşən mübahisə zamanı Abşeron rayonu, Ceyranbatan qəsəbə sakini, 1989- cu il təvəllüdlü Hüseynov Şənlik Bəxtiyar oğlu tanımadığı şəxs tərəfindən bıçaqlanıb.
Yaralılar xəstəxanaya yerləşdirilib.
Hər iki faktla bağlı araşdırma aparılır.
Xədicə Səxavətqızı
Xəbərdən istifadə edərkən istinad etmək vacibdir.
