Bir neçə gün əvvəl Sumqayıt şəhəri 4-cü mikroayonda yerləşən
mənzildə meyiti tapılan 1997-ci il təvəllüdlü Əliyeva Günay Rza qızının
öldürüldüyü məlum olub.
Xeberle.com xəbər verir ki, publika.az-ın əldə etdiyi məlumata görə, ilkin araşdırmalar
zamanı G.Əliyevanın boğularaq öldürüldüyü təsdiqlənib. Hadisədən dərhal sonra
qızın qardaşı və qeyri-rəsmi nikahda yaşadığı şəxs saxlanılsa da, qətlin başqa
şəxs tərəfindən törədilməsi üzə çıxıb və həmin şəxs tutularaq istintaqa təhvil
verilib.
Qeyd edək ki, 23 yaşlı qız ailəsi ilə Bakı şəhər Ramana qəsəbəsində
yaşasa da, sonradan evi tərk edib. O, sevgilisi ilə Sumqayıtda kirayə yaşamağa
başlayıb.
Faktla bağlı Sumqayıt şəhər Prokurorluğunda Cinayət Məcəlləsinin
120.1-ci (qəsdən adam öldürmə) maddəsi ilə iş açılıb.
Hadisənin hansı şəraitdə
və nə səbəbdən törədilməsi araşdırılır.
Xəbərdən istifadə edərkən istinad etmək vacibdir.
