Sumqayıt sakinini bıçaqlayan şəxs saxlanılıb.
Hadisə aprelin 26-ı saat 19 radələrində şəhərin 12-ci mikororayon ərazisində qeydə alınıb.
Belə ki, Sumqayıt şəhər sakini Elxan Rüstəmov həmyerlisi Ramil Xəlilovun ünvanına nalayiq söyüş söyüb. Daha sonra onların aralarıda mübahisə başlayıb. Nəticədə E.Rüstəmov R.Xəlilova ümumilikdə 4 bıçaq zərbəsi vurub. Yaralı xəstəxanaya çatdırılıb və onun həyatını xilas etmək mümkün olub.
E.Rüstəmov saxlanılıb və aprelin 29-da barəsində Cinayət Məcəlləsinin (CM) 126.1-ci (qəsdən sağlamlığa ağır zərər vurma) maddəsi ilə ittiham elan olunub və 4 ay müddətinə həbs qətimkan tədbiri seçilib.
Aprelin 30-da isə E.Rüstəmovun barəsində irəli sürülmüş CM-nin 126.1-ci maddəsi 29, 120.1-ci (qəsdən adam öldürməyə cəhd) maddəsinə tövsif edilib.
Sumqayıt şəhər Prokurorluğunda ibtidai istintaq aparılır.
Xəbərdən istifadə edərkən istinad etmək vacibdir.
