Ədliyyə Nazirliyi Penitensiar xidmətin əməliyyat aparatı Daxili İşlər Nazirliyinin Baş Narkotiklərlə Mübarizə İdarəsinin cənub bölgəsində Regional Şöbənin əməkdaşları ilə birgə əməliyyat-axtarış tədbiri həyata keçirib.
Xeberle.com xəbər verir ki, əməliyyat-axtarış tədbiri nəticəsində hazırda Bakı istintaq təcridxanasında həbsdə olan Şahin Mirsahib oğlu Ağayevin yaşadığı Lənkəran rayonu Göyşaban kəndindəki fərdi yaşayış evində narkotik tapılıb. Ş. Ağayevin saxladığı 55,106 qram narkotik vasitə "Heroin” və 19,134 qram psixotrop maddə "Metamfetamin” aşkar edilərək götürülüb.
Xəbərdən istifadə edərkən istinad etmək vacibdir.
