Dünən Abşeron rayonu Fatmayı qəsəbəsində çöllük ərazidə meyiti tapılan qadınla bağlı bəzi məqamlar üzə çıxıb.
Məlumata görə, Fatmayıda yerləşən və "Fermalar” adlanan yerə gedən qrunt yolun 30 metr kənarında tapılmış meyitin müayinəsi zamanı onun üzərində 34 bıçaq xəsarəti aşkar edilib. Zərbələrdən 6-sı daxilə nüfuz edərək həyat üçün vacib orqanları zədələyib.
Araşdırmalarla müəyyən edilib ki, qətlə yetirilmiş qadın Cəlilabad rayon sakini, 1 oktyabr 1988-ci il təvəllüdlü Rəhimova Yenigül Davaxan qızıdır.
Onun hansı şəraitdə, hansı səbbədən və kim tərəfindən öldürülməsi, eləcə də digər təfərrüatlar hələlik məlum deyil.
Faktla bağlı cinayət işi açılıb. Qətli törədən şəxs və ya şəxslərin tutularaq istintaqa cəlb edilməsi istiqamətində iş aparılır.
Xəbərdən istifadə edərkən istinad etmək vacibdir.
